Eisteddfod Caerdydd Dydd Sadwrn Olaf

Cyflwynodd y Parchg Ddr Watcyn James, o Gymdeithas y Beibl, gopi arall o ‘Feibl y Tlodion’ i’r Parchg Aled Davies o’r Cyngor Ysgolion Sul. Hwn yw’r Beibl y mae pob cyfeiriad at y tlawd a’r angen am sicrhau cyfiawnder iddynt wedi ei danlinellu ynddo.     Dim ond at Lyfr y Salmau y llwyddwyd i ddarllen y Beibl, er i'r gwaith gael ei wneud bron yn ddi-dor bob dydd yn ystod yr wythnos. Hyfryd oedd gweld Rhys Llwyd, myfyriwr ymchwil o Fangor, yn ymgymryd â’r gwaith am gyfnod. Boed i ni gwblhau y dasg o ddarllen yn ein capeli a’n cartrefi.