Gweinidogion yn Dysgu am Frwydr y Bryniau

Pwrpas Ysgol yw dysgu, ac yn sicr fe ddysgodd nifer o'r gweinidogion oedd yn bresennol yn Ysgol Haf yr Annibynwyr yn Llambed yr wythnos hon gryn dipyn am y frwydr i arbed bryniau'r Preselau rhag syrthio i ddwylo'r fyddin ar ôl yr Ail Ryfel Byd. Gweinidogion Anghydffurfiol gogledd Sir Benfro oedd ym mlaen y gâd bryd hynny, a chafwyd eu hanes mewn darlith feistrolgar gan Hefin Wyn o Faenclochog (ar y dde), sy'n awdur llyfr ar y testun.