Dysgu am Gam y Llwythau

Undod Ysbryd yn Rhwymau Heddwch - dyna thema'r gynhadledd yn Grand Rapids yn UDA, lle mae dros 350 o gynrychiolwyr o 100 o wledydd yn cyfarfod am y tro cyntaf fel Cymundeb Byd-eang yr Eglwysi Diwygiedig (WCRC).

Mewn adlais trist o'r Welsh Not, esboniodd Richard Twiss, o lwyth y Lakota Sioux (llun bach uchod), sut y ceisiodd llywodraethau Canada ac UDA ddileu'r llwythi brodorol trwy orfodi eu plant i fynychu ysgolion preswyl lle nad oedd unrhyw sylw'n cael ei roi i'w hiaith a'u diwylliant. 

Bu gan yr eglwys ran ganolog yn rhedeg yr ysgolion hyn. Soniodd Richard Twiss am ei gariad tuag at Iesu Grist a'i ddrwgdybiaeth o'r eglwys a sefydlwyd yng ngogledd America gan bobl o Ewrop. Bydd angen llawer o waith caled, cyfaddawd a chymod i lleddfu'r boen, meddai. Canmolodd y WCRC am roi llwyfan i'w cam.

Tudalen nesa : Annibynwyr Cymraeg mewn oedfa.