Dyma weddi arbennig gan awdur anhysbys, wedi ei lleisio gan Parchg Robin Samuel.
Ior, gwna fi’n offeryn dy aflonyddwch.
Lle bo difaterwch, boed i mi herio;
Lle bo cydymffurfio, boed i mi gwestiynu;
Lle bo tawelwch, boed i mi godi llais.
Lle bo’n rhy gysurus a fawr ddim yn digwydd,
boed i mi gyffroi.
Lle bo drysau ar gau a chalonnau o dan glo,
Crea’r awydd i wrando.
Pan fydd cyfreithiau’n deddfu a phoen yn cael ei anwybyddu…
Pan fydd llais traddodiad yn boddi cri angen….
Boed i mi geisio gweithredu cyfiawnder yn hytrach na siarad amdano;
Ior, aflonydda ni,
I gadw cwmni â’r estron, yn ogystal â bod o’u plaid;
I garu’r rhai sy’n anodd eu caru, ynghyd â’r rhai gellir eu caru’n rhwydd.
Ior, gwna fi’n offeryn dy aflonyddwch.
(Awdur anhysbys)
