Arweinydd eglwysig yn condemnio’r gwrthdaro cynyddol yn y Dwyrain Canol ac Iran, gan alw am heddwch yn ei neges ar gyfer y Pasg
Dywedodd arweinydd Cristnogol Cymreig fod y gwrthdaro cynyddol yn y Dwyrain Canol ac Iran yn fygythiad mawr a difrifol i farchnadoedd ynni bydeang, ac yn bwysicach fyth i gyfiawnder cymdeithasol, cyfrifoldeb ar y cyd, ac urddas dynol.
“Gyda mwy na dwsin o wledydd eisoes wedi’u tynnu i mewn i’r gwrthdaro, mae parhad y rhyfel amlffrynt hwn yn annerbyniol,” meddai’r Parchedig Owain Llŷr Evans, Llywydd Undeb yr Annibynwyr Cymraeg, sy’n cynrychioli Cristnogion Anghydffurfiol sy’n cyfarfod mewn 300 o gapeli ledled Cymru.
“Mae cost ddynol y gwrthdaro eisoes wedi bod yn ddifrifol, a’r Pasg hwn, ynghyd â phawb sy’n dal ati i gynnal heddwch, rydym yn ailddatgan fod rhyfel yn gynhenid ddinistriol,” meddai. “Rhaid i arweinwyr a charfanau rhyngwladol sy’n honni eu bod yn rhannu ein ffydd yn y Pasg wrthod meddylfryd niynerbynnhw ac ailymrwymo i onestrwydd moesol, urddas, a heddwch. Mae dad-ddyneiddio pobl eraill bob amser yn ddewis — a bob amser yn anghywir.
“Yng ngoleuni’r Pasg,” meddai, “nid yn unig y mae heddwch yn angenrheidiol, ond mae’n bosibl.”
